sru:version: 1.2; sru:query: fcs.rf="mecmua.1_182"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_182"; sru:baseUrl: ; fcs:returnedRecords: 1; fcs:duration: PT0.025S PT0.037S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_182</phrase></query>)];

devā‑yi behaq

322 Aq behaq yā beraṣ ola tende
Balġamuñ bu fesādıdur tende

323 Evvelā şerbet‑ile qılġıl ̮ʿilāc
Ṣoñra ėt bu ṭılāyı hem bir qac

324 Şīṭaraḥ [!] ṭoḫm[ı] ṭurb qızıl boya
Kündüs ü ḥardalı [!] ḥavāna qoya

325 Heb ġubār‑ile tā ber‑ā‑ber ola
Sirke ile yoġur şehā ter ola

326 Ṣoñ ṭılā ėdesin bu meẕkūrı
Gide bu zaḥmet evvelā [?] durı

327 Şerbet‑i türbete mülāzim ola
Ḥāżır ėt istedükde lāzım ola

328 Yėmeye balġamī ġıdālardan
Ṣoñra unutmaya duʿālardan

devā‑yi behaq‑i siyāh

329 Deri yüzinde irkilüb sevdā
Gevdede ger behaq siyāh ola

330 Aña maṭbūḫ eftĭmūn vėrgil
Niçe gez içini anuñ sürgil

331 Ṣoñra ol yazduġum ṭılāyı ėde
Qalmaya ol teninde hīc gide

devā‑yi dā‑yi cereb

332 Şol uyuz kim aña cereb dėrler
Ṣulu olsun gerek qoñaġlı eger

333 Bu mücerreb devāʾyı ekle aña
Tā ölünce duʿālar ėde saña

334 Acı yaġı kükürdi altışar ėt
Bir avuc qoz içini saḥq [u] ter ėt

335 Cümlesini ṭavada qaynadasın
Rengi taġyīr olunca tā ėdesin

336 Sür elinüñ iki bileklerine
Ḫuṣyeteyne vü yufqa yėrlerine

337 Dühni sürte var‑ise yarasına
Qoya iki elin bud arasına

338 Dura üc gün daḫı degürmeye ṣu
Cerebi silüb ala qomaya bu

defʿ‑i ʿaraq

339 Daḫı bir kimse derlese her dem
Bedeni süst ola özi pür ġam

340 Māzŭ gül yaġı birle isfīdāc
Cemʿ ėdüb sür tenine ola ʿilāc

iḫrāc‑i ʿaraq